საქართველოს მხატვარ-კალიგრაფთა კავშირი

თანამედროვე კალიგრაფიის პირველი გამოფენა საქართველოში, 2012 წლის 14 ივლისს, ჩარგალში გაიმართა. 14 ივლისი თანამედროვე ქართული კალიგრაფიის დღედ გამოცხადდა.

ვაჟა-ფშაველას დაბადებიდან 150 წლის აღსანიშნავად, 2011 წელს საქართველოს მხატვარ-კალიგრაფთა კავშირმა განახორციელა საერთაშორისო პროექტი.

კავშირის წევრებისა და მოწვეული უცხოელი კალიგრაფების მიერ შეიქმნა კალიგრაფიული ნამუშევრები ვაჟა-ფშაველას პოემების, ლექსებისა და ფრაზების მიხედვით.

ნამუშევრები გამოფინა ვაჟა-ფშაველას მუზეუმში, სოფელ ჩარგალში "ვაჟაობის" სახალხო დღესასწაულზე, 2012 წლის 14 ივლისს.

ეს იყო თანამედროვე ქართული და მსოფლიო კალიგრაფიის პირველი გამოფენა საქართველოში.

საქართველოს მხატვარ-კალიგრაფთა კავშირმა 14 ივლისი თანამედროვე ქართული კალიგრაფიის დღედ გამოაცხადა.

ფოტოგალერეა - 14 ივლისი 2012, ჩარგალი

ვაჟა-ფშაველას 150 წლის იუბილეზე შექმნილი ნამუშვრების მეორე გამოფენა თბილისის სახელმწიფო უნივერსიტეტში 2012 წლის 29 ნოემბერს გაიხსნა.

საგამოფენო ექსპონატების რაოდენობამ 120 ერთეულს გადააჭარბა. ქართველი კალიგრაფების მიერ გადაწერილ 14 პოემას, გვერდს უმშვენებს 21 შთამბეჭდავი ნამუშევარი, შესრულებული უხცოელი კალიგრაფების მიერ. ისინი წარმოადგენენ ქვეყნებს: იაპონია, რუსეთი, უკრაინა, იტალია, გერმანია, ნიდერლანდები, ნორვეგია, კოლუმბია, პერუ და არგენტინა.

"ვაჟა ფშაველას ფონდის" თავჯდომარის ლელა რაზიკაშვილის თაოსნობით, პირველი გამოფენა გაიმართა 2012 წლის 14 ივლისს, "ვაჟაობის" სახალხო დღესასწაულზე, სოფელ ჩარგალში.

2012 წლის 29 ნოემბერს ექსპოზიციამ გადაინაცვლა თბილისის სახელმწიფო უნივერსიტეტის საგამოფენო დარბაზში.

სწორედ უნივერსიტეტის კედლებში გამოეთხოვა წუთისოფელს დიდი მწერალი და მოაზროვნე.

ორგანიზატორთა განმარტებით, ორივე გამოფენის მოწყობის ადგილი შეირჩა, როგორც სიმბოლური მსვლელობა ვაჟა-ფშაველას ცხოვრებისა და შემოქმედების გზაზე.

მყუდრო და სასიამოვნო გარემოში მოწყობილ გამოფენას უამარვი სტუმარი ეწვია. ფაქიზად და ესთეტურად შესრულებულმა ნამუშევრებმა ბევრ სტუდენტს მძაფრი სურვილი გაუღვივა, რომ უფრო ღრმად გაეცნონ ხელნაწერი წიგნის შექმნის უძველეს და თანამედროვე სკოლას.

ფოტოგალერეა - 29 ნოემბერი 2012, თსუ