ხელნაწერი წიგნი - ვაჟა-ფშაველას პოემა - "სტუმარ-მასპინძელი" (2009)

ხელნაწერი წიგნი შეიქმნა 2009 წლის აგვისტოს თვეში, უკვდავი ქართული სულის, ქართული კულტურისა და წინაპართა შემოქმედების სადიდებლად.

ვაჟა-ფშაველას "სტუმარ-მასპინძელი" ტრაგიკული, მაგრამ ამავე დროს ჰეროიკულ-ჰუმანისტური ნაწარმოებია. მთავარი გმირები ჭეშმარიტი ადამიანურობის, მაღალი შეგნებისა და ზნეობრიობისაკენ მოგვიწოდებენ. მტრული და სასტიკი გარემოს პირობებში ისინი პროგრესულად მოაზროვნე კაცობრიობის უკანასკნელ რაინდებად გვევლინებიან და ფიზიკური განადგურების მიუხედავად, უშიშრად და შეუპოვრად უდიდეს სულიერ გამარჯვებას აღწევენ.

ლევან ჩაგანავას და ქეთევან ქავაზაურის მიერ 2009 წლის აგვისტოს თვეში შექმნილი ხელნაწერი "სტუმარ-მასპინძელი" გამოხმაურებაა თანამედროვე საქართველოში მიმდინარე ისტორიული მოვლენებისა, რომლებიც ჩვენი ერის გაუტეხელ ნებას კიდევ უფრო განამტკიცებს.

 

საქართველოს მხატვარ-კალიგრაფთა კავშირის ვიდეო მატიანე

ხელნაწერი წიგნის შექმნის პროცესი

 

ნამუშევრის ორიგინალი შედგება 32 გვერდისგან.

ფორმატი - A4 ( 21/29,7სმ).

ხელნაწერი შესრულებულია ავტოკალმითა და შავი მელნით, გამოყენებულია წითელი მელანიც.

7 მინიატურა, საზედაო ასოები და ორნამენტული დეკორი შესრულებულია ფუნჯითა და წყლის ტემპერით.

ქაღალდი დამუშავებულია პარაფინით.