ხელნაწერი წიგნი - იოანე შავთელის "აბდულმესიანი" (1991)

თამარ მეფისა და დავით სოსლანის შესხმა (ქება), სავარაუდოდ დაწერილია ბასიანის ბრძოლაში ქართველთა ბრწყინვალე გამარჯვების აღსანიშნავად.

იოანე შავთელის აბდულმესიანი საჰიმნო, სახოტბო ნაწარმოებია და დღესაც აოცებს თანამედროვე მკითხველს ბრძნული სტროფებით და მდიდარი ლექსიკით.

იოანე შავთელი რუსთაველის თანამედროვეა და მატიანე მას მეფის კარის პოეტად ასახელებს. შავთელი ნახსენებია ვეფხისტყაოსნის ბოლოთქმაშიც.

ხელნაწერ წიგნში 108 გვერდია, ზომა 16.5/17სმ. გამოყოფილია საზედაო ასოები და ანბანური ნომერაცია, ასევე ცალკეული სტროფები. ქაღალდი დამუშავებულია პარაფინით. შემოსილია ტყავის ყდით და მოოქროვილი ორნამენტული დეკორით.

მხატვარი-კალიგრაფი: ლევან ჩაგანავა.

1991 წლის აგვისტო.